محدش بيضحك بالســــــــــــــــاهل(اضحك كركر)

thepop 5/12/2007, 4:54 pm

* غبي حب يغرق مراته خرم لها المايوه .

* غبى اشترى لمبه مسمار دقها في الحيط .

* بخيل يوم مات لقوا وصيته مكتوب فيها ( انا متسبح لا تغسلوني )

* بخيل اتزوج بخيلة جابوا بنت سموها حصالة.

* واحد نذل راح يزور أبوه في الترب شغل شريط الحياة حلوة

* مجموعة مجانين حط لهم الدكتور أغنيه علشان يرقصوا عليها ، فقام المجانين يرقصون الا واحد منهم ، الدكتوور سأله : ليه ما بترقصش زي زمايلك ؟ قال له أصل أنا العروسة .

* واحد بلدياتنا قال لخطيبته أنتي لبن أنتي قشطة أنتي حليب أنتي الجاموسة كلها .

* واحد بلدياتنا عايز يغش فى الشطرنج اتعلم يقرص الزهر .

* واحد بلدياتنا نزل الترعة البلهارسيا خرجت تحللش .

* ستة بلدياتنا عايزين يركبوا لمبة يعملوا اية ؟ واحد يمسك اللمبة والخمسة يلفولوا السقف .

* واحد مخنوق من الدنيا كلها رن جرس الباب الساعة 10 صباحا فتح الباب ، لقى وحدة مذيعة بتقول له : ممكن نعرف بتعمل ايه لما تقوم من النوم ؟

قال انا بقوم من ام النوم اروح ام الحمام ، افتح أم الحنفية ، اغسل أم وشى ، اروح أم أوضة النوم اقلع أم الترنج ، ألبس أم البنطلون ، بعدين انزل من أم الشقة واركب ام الاتوبيس ، وانزل من ام الاتوبيس اروح ام الشغل ، وبعد ما اخلص ام الشغل ارجع ام البيت وخلاص .

قالت له المذيعة : شكرا يا فندم ويلعن أم البرنامج اللى خلانا نشوف أم وشك

* أبو العربى قابل مذيعة قالت له انا سمعت كتير عن بطولاتك فى الحرب.

قال لها : طبعا ابو العربى يسد فى كل مكان فى حرب 48 وحرب اليمن و56 و67 و73 والعراق.

قالت له المذيعه : طيب هأسألك كام سؤال ، لو انت فى الحرب وطلع عليك دبابتين ومعاك قنبلتين هتعمل ايه؟

قال لها: هادخل عليهم وأفجرهم

- طيب لو خمسه؟

- هادخل عليهم بالسلاح الأبيض

- طيب لو اربع دبابات و عشر عساكر وطيارتين؟

- قالها جرى ايه يا وليه هو مفيش حد بيحارب غيرى وللا إيه؟

* واحد بلديتنا كسب 60 مليون دولار إشترى رونالدو

* لبناني ومصري وسوري راحو على إسرائيل علشان يتجسسوا ، بعد شهر مسكو اللبناني علشان كان عايز يشتغل مطرب ، وبعد شهرين مسكو المصري لانه قال للضابط الإسرائيلي : أمرني يا باشا ، وبعد ست سنين مسكو السوري لانه اشترى سيارة مارسيدس وحط صورة بشار الأسد على على قزازها اللي ورا .

* سواق تاكسى راح يحلق الحلاق سأله : بتسرح شعرك ازاى؟

قاله : فى اى حته على جنب .

* واحد مسطول رجع بيتهم متأخر، أاخته فتحتله قالها كنت فين يافاجرة لحد دلوقتي ؟

* بلدياتنا بيجروا ورا بعض طلعوا من الكورة الأرضية

* واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها .

* لاعب منحوس سجل هدف ، لما عادوه بالحركة البطيئه ، طلعت الكوره كورنر

* واحد سنانه وجعته راح للدكتور ، الدكتور قال له :أسنانك محتاجة تقويم ، قال له هجري ولا ميلادي ؟

* طالب شاطر جداً .. نجح في المدرسة وطلع من الأوائل .... شفروه !

* واحد هادي اشترى شريط فاضي و قعد يسمعه ، جه واحد اهدى منه وسجل الشريط .

* خروفين جنب بعض .. قال الأول : " بااااء " .. قال التاني : كنت حأقولها .

* واحد راح يسرق بنك قلع كل هدومه ليه علشان محدش يمسكه متلبس .

* عسكري كل ما يدخل المطبخ يضرب تحية للتلاجة .. ليه ؟ لأنها ماركة " جنرال "

* الأول : ليه القطار مهم ؟ التاني : لأن تحته خطين .

* ميكانيكي اشترى سرير ... نام تحته .